Басқосуда осы оқу жылының қорытындылары мен алдағы жоспарлар кеңінен талқыланды. Сонымен қатар мектеп басқару тәжірибесі, мұғалімдердің кәсіби дамуы және кадрлық іріктеу жүйесі сөз болды.

 Кездесуге модераторлық еткен ҚР Оқу-ағарту министрлігі Орта білім комитетінің төрағасы Қаныбек Жұмашев алғы сөз сөйлеп, жобаның мән-маңызын айқындап берді.

 Ақмола облысы мен Шымкент қаласындағы «Келешек мектептерінің» директорлары жергілікті деңгейдегі тәжірибелерімен бөлісті.

 «Өрлеу» БАҰО» АҚ басқарма төрағасы Айдана Шилибекова педагогтер мен мектеп басшыларын бағалауға арналған пилоттық жобаның мазмұнын таныстырды. Сондай-ақ орталық өкілдері базалық курстардың нәтижелерін ұсынып, жоба аясында жас мамандарды іріктеуге арналған career.orleu.edu.kz цифрлық платформасының мүмкіндіктері туралы мәлімет берді.

 Кездесу ашық пікір алмасуға, ұсыныстарды ортаға салуға және алдағы бағыттарды нақтылауға мүмкіндік берді.