<p>Көктемнің шуақты мерекесі қарсаңында Новоишим қазақ орта мектебі жанындағы интернатта «Сыйынар ем Ана деген тәңірге» интернат ұлдарының ұйымдастыруымен мерекелік бағдарлама өтті.</p><p>Мерекелік кеште ұлдар әзіл-қалжыңға толы көріністер көрсетіп, заманауи билерімен кештің көркін келтірді.</p><p>Ана жер басып жүрген адам баласын жаратушы да, оның ұрпағын мәңгі жалғастырушы да. Сондықтан бұл дүниеде анадан артық, анадан ардақты, анадан құдіретті ешнәрсе жоқ.</p>
8 наурыз халықаралық әйелдер мерекесіне орай Новоишим қазақ орта мектебінде «Жасұлан» ұйымының ұйымдастыруымен 5-7 сыныптар арасында «Көктем аруы -2020» байқауы өтті. Мақсаты: қыздарды әдептілікке, әсемділікке, инабаттылыққа, сыпайылыққа, ата-баба дәстүрін біліп, үлкенге ізет, кішіге ілтипат көрсете білуге, қыз бала арасындағы сыйластықты арттыруға тәрбиелеу, ақыл-парасатын, талғампаздығын, тапқырлық, шеберлігін бағамдау арқылы жеңімпаз аруын анықтау. Қызықты әрі тартысты өткен байқау қорытындысы бойынша, " Көктем аруы - 2020" атағын 6 "А" сынып оқушысы Бүркітбай Жангүл иеленді.
Снова март скребется в двери,<br />С мягким светом и теплом.<br />Поздравляем наших Леди<br />С распрекрасным женским днём!<br /><br />Пусть улыбки расцветают,<br />Как тюльпаны по весне!<br />Мы вам счастья пожелаем,<br />И любви, и светлых дней!
<div>Ұлы Абайдың 175 жылдығы арналған аудандық балалар кітапханасында «Абай мен Пушкин - халықтар мен мәдениеттер қауымдастығындағы екі шам» тақырыбында өткен онлайн –конференцияға Новоишим қазақ орта мектебінің оқушылары белсенді қатысты. Атап өтсек, 11 сынып оқушысы Кожахметов Диас Абай бабамыздың образына еніп, оның шығармаларын керемет орындады. Ал 8 сынып оқушылары Сәлімкерей Ақгүлім және Амангелді Ақбота «Көзімнің қарасы» әнің орындады. Аталған оқушылар</div><div>мәдениет және тілдерді дамыту бөлімінің тарапынан алғыс хатпен марапатталды.</div>
<div>25 ақпан күні Ұлы Абайдың 175 жылдығына арналған аудандық көркемөнерпаздар байқауында Новоишим қазақ орта мектебінің ұжымы және оқушылары «Өлмейтұғын артына сөз қалдырған» театрланған қойылым қойды.Ұлы бабамыздың өмір жолы, өскен ортасы, жалпы сол дәуірдің болмысы 3 бөлім арқылы көрсетілді.</div><div>Абай мұрасы - қазақтың ең қасиетті, теңдесі жоқ, алтын қазынасы.</div><div>Ұлы Абайдың шығармашылығы бүгінгі заман талабына сай қайта түлеп, жыл өткен сайын жаңғырып, ұрпақ тәрбиесінде өзіндік үлес қосып келеді.</div>
<div>Новоишим қазақ орта мектебінде «Рухани жаңғыру» бағдарламасы аясында ақпан айының 20-ші күні тарих пәні мұғалімі Б.Б. Саденованың жетекшілігімен 10 а сыныбында Елбасының «Ұлы даланың жеті қыры» мақаласын талдауға арналған дөңгелек үстел өтті. Мақсаты: Ұлы даланың тарихына, салт-дәстүріне, өнері мен фольклорына, музыкасына, ұлы есімдеріне, тарихи сананы жаңғыртуға арналған ұстаным-тұжырымдарды саралау, тарихымызды тереңнен тануға атсалысу.</div><div>Іс-шара барысында оқушылар белсенді қатысып, пікір алмасу кезеңінде қойылған сұрақтарға толық жауап бере алды. Сонымен қатар 8 ә сынып оқушысы Н. Бөкенбай Дәулеткерейдің «Түрікменді» күйін орындады.</div><div>Төл тарихымызды тереңнен біліп, бағалап, мақтан ете білейік! - деген сөзбен мұғалім аталмыш іс-шараны түйіндеді.</div>
