<div>2025 жылдың 23 маусым күні аудандық мәдениет үйінде «Алтын белгі» төсбелгісі мен үздік аттестатқа ие болған 2025 жылғы түлектерге құрмет көрсетуге арналған салтанатты іс-шара өтті. Бұл шараға аудан мектептерінің үздік оқушылары, олардың ата-аналары, ұстаздары мен қоғам өкілдері жиналды.</div><div>Аталмыш іс-шарада аудан әкімі Руслан Әкімжанұлы Анбаев құттықтау сөз сөйледі. Өнерлі жастарды тәрбиелеу мен оқытуға қосқан үлестері үшін ұстаздар мен ата-аналарға алғысын білдіріп, түлектердің жетістіктері бүкіл ауданның мақтанышы екенін атап өтті.Сіздер еліміздің болашағысыздар. Сіздердің білімдеріңіз, дамуға деген талпыныстарыңыз және белсенді өмірлік ұстанымдарыңыз табысқа жетудің берік іргетасы», - деді Руслан Әкімжанұлы өз сөзінде.</div><div>Салтанатты іс-шара жылы әрі шабыттандыратын атмосферада өтті. Үздік түлектерге естелік кітаптар сыйға тартылды. Новоишим қазақ орта мектебінің 11 сынып оқушысы, үздік аттестат иегері Байтас Мирас естелік кітапқа ие болса, ата-анасы Дүйсенбин Ерболат Байтасұлына аудан әкімінің Алғыс хаты табыс етілді. Сонымен қатар Байтас Мирас білім нәрімен сусындаған ұстаздарына, тәрбие беріп, ұдайы қолдау көрсеткені үшін ата- анасына биік сахнадан үлкен алғысын білдірді. Іс-шара концерттік бағдарламамен аяқталып, мерекенің көркіне ерекше мерекелік сән қосты.</div>
<span style="font-family:'times new roman', times, serif;font-size:12pt;">«Әрбір оқушының білім алып, жан-жақты дамуы үшін қолайлы жағдай жасалуға тиіс», - Қасым-Жомарт Тоқаев, Қазақстан Республикасының Президенті.</span>
🏫 «Келешек мектептері» жобасы аясында 2025–2026 оқу жылында 200 мыңнан астам оқушы орны пайдалануға беріледі<br /><br />✍ Елімізде Мемлекет басшысының бастамасымен «Келешек мектептері» ұлттық жобасы жүзеге асырылуда. Жоба аясында барлығы 460 мың оқушы орны ашылады.<br /><br />📑 2024 жылдың қорытындысы бойынша жаңа форматтағы 105 мектеп салынды. Ал 2025 жылдың соңына дейін тағы 112 мектеп пайдалануға беріледі. Осылайша, жаңа оқу жылында қосымша 206 мың оқушы орны беріледі.<br /><br />✔ Аталған жоба аясында салынған мектептер бұрынғы типтік мектептерден едәуір ерекшеленеді. Олардың жалпы аумағы 15–20%-ға үлкен, ал техникалық жабдықталу деңгейі төрт есе жоғары. Әр мектепте робототехника кабинеттері, STEM-зертханалар, хореография залдары, коворкинг аймақтары мен төрт спорт залға дейін қарастырылған.<br /><br />🔹 Ұлттық жоба аясында барлығы 460 мың оқушы орнына арналған 217 мектеп салу жоспарланған.
2025 жылғы 19 маусым күні мектеп жанындағы Қарлығаш" лагерінің қатысушыларына аудандық мұражайға саяхат ұйымдастырылды. Аудандық балалар кітапханашысы Джумабекова С.Ф. және Полядина Т.В. бірлесе отырып, аудандық өлкетану мұражайында "Туған жер тарихы" атты танымдық сағат өткізді. Балаларға өте қызықты болды. Ауданымыздың танымал тұлғалары туралы мәліметтер берілді. Балалар мұражайға саяхат жасау арқылы өз білімдерін тереңдетіп, жаңа тарихи мәліметтерге қанықты.
2025 жылдың 18 маусым күні "Новоишим қазақ орта мектебі" КММ- де "Сәт сапар, жас түлек !» атты аттестат тапсыру кеші өтті. Мектеп қабырғасында бақытты бал-балалық шақтарын өткізіп, ұлағатты ұстаздар қауымының тәлім-тәрбиесін бойларына сіңіріп, білім нәрімен сусындап өскен ұл-қыздарымыз ер жетіп, қанаттары қатайып, жаңа өмір әлеміне нық сеніммен қадам басты.Биылғы оқу жылының 22 шәкірті ортаға ерекше номинациялармен шықты. Алғашқы құттықтау сөз кезегі және аттестат тапсыру рәсімі мектеп директоры Баймагамбетова Балжан Шәріпқызына берілді. <br />Үздік аттестатқа 11-ші сынып оқушысы Байтас Мирас ие болды.<br />Іс шараға ауданның ардақты ардагері, құрметті азаматы, білім саласының жанашыры А.Ж.Тайшабаева қатысып, түлектерге өз тілегін жолдап, сенім артты.<br /> Мектеп ұжымы атынан белсенділікпен көзге түскен ата- аналар, білімдерін көрсете білген оқушылар мадақтамалармен марапатталды.<br />Түлектер де өз алғыстарын білдіріп, ұстаздарына алғыс хаттар жолдады.<br />#адалазамат<br />#жастүлек2025
2025 жылдың 18 маусым күні "Новоишим қазақ орта мектебі"КММ- де "Сәт сапар, жас түлек!"атты негізгі мектеп бітіруші түлектерге арналған салтанатты іс шара өтті. 9 жыл білім алған оқушылар мемлекеттік сыннан өтіп, білімдерін саралап, куәлік иесі атанды. Әр адамның өзінің жұлдызы бар.Әр жұлдыз – бір даралықтың белгісі, әр оқушы – біздің мақтанышымыз! Оқушылар ортаға салтанатты түрде жұлдызнамамен шақырылды.<br />Алғашқы құттықтау сөз кезегі және аттестат тапсыру рәсімі мектеп директоры Баймагамбетова Балжан Шәріпқызына берілді.<br />Биылғы оқу жылында негізгі мектепті 32 түлек бітірді. Үздік аттестатқа 9"а" сынып оқушысы Хакимбек Амина, 9"ә" сынып оқушылары Ахметова Назым, Есентемирова Акерке, Жуманкулова Жанара ие болды. Сонымен қатар құттықтау сөз оқу ісінің орынбасарлары Жолдаспаева Гульмира Мухтарқызы мен Тания Ахметқызына, 9"ә" сынып оқушысы, мектеп мақтынышы, оқу озаты, аудандық, облыстық олимпиадалардың жүлдегері Ахметова Назымға, 5- ші сыныптан бастап түлектерімізге жетекшілік еткен Шеныбаева Динара Жанғалиқызы мен Жұмағалиев Қуаныш Қабдулсұлтанұлына берілді.<br />Түлектер де өз алғыстарын айта отырып, музыкалық сәлемдеме жолдады.<br />#адалазамат<br />#жастүлек2025
2025 жылғы 18 маусым күні аудандық балалар кітапханасында "Әдеби жаз - 2025" атты оқу бағдарламасы аясында жазғы сауықтыру "Қарлығаш"лагерінің балаларына арнап қызықты кеш өткізілді. Аудандық балалар кітапханасында өткен кездесу балалар үшін өте қызықты болды. Кітапханада өткен "Дәмді жұмбақ себеті" ойыны балалардың көңілінен шықты. Ертегілерді табу, жұмбақтардың шешуін тауып, тосын сыйлықтарға ие болды. Жеңімпаздар анықталып тәтті кәмпиттер таратылды. Балалар өте көңілді күймен қайтты.
